愚的部落格

晚上坐巴士回家途中，

初時巴士都算熱鬧，

慢慢傳來一男士與人傾電話的聲音，

而傳出來的說話全是粗口，

係好粗的粗口(我不詳述)﹗

於是有點熱鬧的巴士變得靜了起來，

隱約聽到是男的與女的吵鬧。

其實覺得討厭因為污染了我的耳朵，

而且巴士中有不少小朋友，

真好想去佢細聲點，

但我沒膽量，我無用﹗

當他下車時，第一眼望望他的樣子，

望上去雖不是斯文，但不是老粗﹗

唉~~~年青人﹗戒粗口啦﹗

另外，他下車後，

有不少人開始談論該名男士的行為﹗

CRAZY﹗﹗

今星期好忙﹗

只看了一套戲《逃出生天》3D，

入場為了劉青雲。

故事的結構來說無特別，無新意。

對於劉青雲及古天樂的演技來說都沒有什麼大發揮的地方，

還有李心潔一樣，的確有點失望。

可能套戲的賣點只係火的3D﹗

的確如此，好像猛獸，都驚驚地。

而整片的情節都算是緊張。

有一點值得深思及反省，

其中一段劉青雲去到火場先救的是其他人，

而不是太太(李心潔)，

她當然會質問為什麼不是救她先。

哈哈哈...女人遇到這些情況都先會問類似問題。

劉青雲如何答﹖請入場睇。

另一段係李心潔與醫生逃亡其間遇到一位無助而需要救助的小妹妹(早前演《激戰》的小女孩)，

李想救，但醫生堅決唔救，因為他們被火圍困，去救小女孩的話可能會死。

跟著他們會有一段對話，

這段對話好感人大家入場睇。

值得深思及反省是人面對生死關頭時的選擇時，

是自己抑或他人﹖

良心如何處理﹖如何判斷﹖而作出選擇.........

有興趣的話不妨去睇都OK架^^

工作上遇到一位同事，

兩個字形容佢~~「難頂」﹗

工作幾忙幾辛苦都唔累，

就算累是指體力上。

但面對這個人很累，

心靈的疲累﹗

我又做不到對他不理會，

畢竟日日都要對住佢及合作﹗

我又唔想講佢壞話及想著他的不好，

所以在我心靈上是一種磨練﹗

我要放開他，這樣才放開自己﹗

真係要努力，加油，祈禱。

近這個月非常忙碌﹗

10月5日開學祈禱會、

10月10日宗教活動(努力與學生綵排音樂劇)、

10月11日家長信仰分享會(努力製作資料中)、

10月19日帶學生去沙田參加活動，

以上全是由我做負責人﹗

開始感到壓力，

睡得不好，或者偶爾發惡夢﹗

希望健健康康完成啦﹗

   多謝朋友送來的禮物，

他時常不定期送上禮物，

給我很窩心的感覺﹗

現在家庭成員又多了，

有空要給他們拍照張大合照。

今日睇戲遇到一對奇怪母子，

不得不寫﹗

其母親估佢多年冇睇過戲，

由於佢個仔幫佢買的是有震動的椅，

佢睇其他電影預告片時已經好驚說﹕「好震，有冇唔震架﹖」

跟住又話﹕「我唔睇3D架，會暈架﹗」

未開場就已經同個仔滔滔不絕傾計﹗

心已想不妙﹗

最搞笑係百老匯開場前有短片提觀眾唔好說話等，

佢一邊聽一邊同個仔講﹕「呢首歌我細細個就識。」

跟住首歌播完後佢係度唱~~我汗汗汗汗﹗

佢個仔都有回應佢媽媽﹗

天啊﹗全場戲佢冇聽過講野﹗

我SH了他多次，他就細聲D﹗

唉~~~咩人﹗唔理別人感受﹗

最恐怖是散場時，奇母與奇子好像一對情侶咁摟抱一齊走﹗

我肯定佢地的關係係母子，難度個仔有戀母情意結。個男仔有15-16歲左右﹗

真係睇左咁多戲，咁多年，第一次遇﹗汗汗汗﹗

仲有這位媽媽真係全場冇戴3D眼鏡。

今星期睇左兩套，

《極樂帝國2154》、《狄仁傑之神都龍王3D》

第一套兩個字形容「失望」，

故事內容鬆散冇內容，很多事情都沒有交代，

而且電腦合成的畫面好假，

唯一最開心睇靚子麥迪文。

第二套兩個字形容「精彩」，

武打場面精彩，

趙又廷演狄一角演技一般，

反而馮紹峰演大理寺卿尉遲 ─ 真金，演技比他好。

徐克導演不得不讚。

這戲值得一睇，故事結構都可以。

今早發生件好危險的事﹗

而家回想都有點驚﹗

事緣我今早坐巴士取百達通出來時，

不小心把上班要用的襟章碌了在馬路中間，

當時情急再加上襟章一定要用，

所以見冇車就立即衝出馬路中間執，

當時有等巴士的乘客都見到，

唔知佢地緊唔緊張，

萬一有車飛一般走過﹗

上一篇可能是我最後的一篇網誌﹗

我下次一定唔會執﹗

驚驚

各位BLOG的朋友，

你們覺得幸福是什麼﹖

分享下啦~~~

我覺得幸福是能自己呼吸，

能行、能食、能睡、能大大......哈哈哈哈

最近工作上好忙﹗

眼皮都很重﹗

不過今晚好勤力睇左兩個單元的書

誰是假好人﹖

我是也﹗

為何咁講﹖

事緣昨日有新同事在app中提到自己在學校雖然準時放工，

但天都黑晒仍在塞車途中遲遲未能回到家，

她在app中有點不開心及苦悶。

而只得我一個人回應及安慰她。

第二日早上，有同事走埋我身邊大讚我好人﹗

我一頭霧水.....﹖﹖後來才明白同事讚我的原因。

同事覺得我很好很有同情心。

聽了後，我立即大笑起來並解釋﹕我不是好人，我只是在餐廳等食物時無意答幾句。

哈哈哈..........我是假好人也﹗