繁忙的工作開始完成了一點點,心情輕鬆點。
上次講的任務今日終於同幾位老師開了會,初步擬定了計劃書。
現在忙5月的活動及準備綵排另一大活動。
致於腳患方面,有了一大進步,可以坐巴士時上樓上了,真係好開心,唔洗坐優先座:P,
只是站得太久或行得太久,會感到痛及唔夠力。
人生的起落真係難免,唯有努力生活下去。
繁忙的工作開始完成了一點點,心情輕鬆點。
上次講的任務今日終於同幾位老師開了會,初步擬定了計劃書。
現在忙5月的活動及準備綵排另一大活動。
致於腳患方面,有了一大進步,可以坐巴士時上樓上了,真係好開心,唔洗坐優先座:P,
只是站得太久或行得太久,會感到痛及唔夠力。
人生的起落真係難免,唯有努力生活下去。
受氣,我相信各行各業的打工仔都會受唔同情度的氣。
朋友們,你在工作上有冇受氣?
今日我去做物理治療,可憐的物理治療師(幫我的那位年青人)受傷人的氣。
事緣係一位女病人向這位治療師講粗口,他請這病人唔好講,
於是這病人不停罵他,我都見到...治療師冇理佢,但表情不悅。
我見到都心酸,他們的工作已經繁重,重要無辜受氣。
其實我都想讚下鄧肇堅醫院(物理治療部)的員工,
他們好禮貌,也有耐性。
所以目睹是次事件真係感到難過。
前幾日收到第二間學校的校長一封電郵,內容係我有新的任務。
再問自己的校長,校長話﹕係呀,前排你做手術放病假唔得閒講,而家你知道啦。
其實校監都想同你講,不過唔緊要啦,你做得來的。
當時好大個感嘆號在我頭頂。
我究竟要做咩??
就係統籌16間學校,連埋自己果間,共17間,
幫每一間學校的宗教負責老師,商討計劃,如何培育他們的個人信仰,
唔單止係咁,仲有佢地學校的宗教教育課程,
佢地各學校的家長及教職員的培育,
要命是要交計劃書,我要定期向校長們匯報。仲要16間的活動我要參與=.="""
最要命是17間的校長,不會出席我們的會議。
全權交給我和四位組長缺定,若四位組長合作的話,我都易點管理,若不然就更苦了。
壓力突來,睡不好及發惡夢
好開心終於排到期係政府醫院做物理治療。
經過物理治療師利用機器診斷我的壞腳只得3成力,
就等如用一隻手行路。
聽起來有點驚!!
物理治療師仲話好彩我而家睇,遲些的話壞腳的肌肉會萎縮。
而家最重要做強化肌肉的運動,以及減肥。
我已經在一星期成功減2磅
請大家為我打氣^^
終於忍唔住去睇營養師,
一方面為了腳患的緣故,另一方面為左自己的身體要健康點。
其實十多年前都見過營養師,當時好有恆心由162磅減到130幾磅。
直到今天~~~唔好提!!!
初步檢查結果令我嚇一跳,脂肪佔我體重最多,我的新陳代謝的年齡係65歲!!
唉~~~不得不減,要立即行動!
請大家為我加油,感覺都幾辛苦。
又大一年,盼望智慧上有所增長,肥肉就停止增長啦~~^^
多謝朋友們送來的祝福,還有多年的BLOG友送來的生日咭,實在感覺滿足及謝恩。
自己買比自己的生日快樂
畫家同學送來的畫
好不容易才可以排期到政府醫院睇隻腳,但是卻好失望及有點火!!
政府醫院與私家醫院除了錢的分別外,仲可以有很多的分便。
睇醫生預約時間係3點,我已經2點半到達,填了一些問卷後,
一直等到4點15分,見到遲過我到的病人一一離開,本來擠滿病人的大堂剩下十多人,
我忍不住到登記處問過原因,姑娘話而家先開始睇3點的症。
等到4點30分再問,我忍唔住再問,姑娘就叫我去另一間房問,另一位姑娘話仲有三個到我。
入到診症室,醫生好似機械人的方式說話﹕「以下有三個程序,我會先問你一些問題,然後檢查,最後會被意見你的。」
係醫生問我問題期間,我有問題想發問,一問他就大大聲說。「唔好問住,聽我講晒先。」
於是我都唔敢問,再者佢講咁多說話,之後叫我問都唔記得。
總結係---所有事锖不好的結果係病人的錯(即我),
醫生說﹕「你做左手術後冇併發症(心想有就唔會等到而家來),不過附近的肌肉好硬,物理治療做得唔足夠。你要勤力做,好快好番,唔好用拐杖。」
仲有一點係豪無私隱,因為與隔離病房只是一簾之隔!位醫生講說話咁大聲,隔離的病人同醫生聽晒我的病況,我也同樣聽晒隔離病房的病人情況!!
唉~~~我都係要努力儲錢,唔好靠政府醫院:(好氣 @.@""
其實我都唔相信政府醫生一定係咁,都會有好醫生的,只是我今次遇不到。
今日只想寫《Her》觸不到的她
真是一套不簡單及另類的劇情片。
因為當中可以反思人與人的關係,人與人之間的溝通問題等。
我在想假如我也好像男主角一樣,我會愛上「人工智能語音助理」--電腦軟件中的一把虛擬聲音......嗎?
或許我會,因為對方就好像真人一樣,有感情有思想,而且明白自己,只是欠了一個會死的肉軀。
或許很難明白如何與一把聲音談情說愛,甚至發生超友誼關係,但正正是否說出人對感情的恐懼?或者怕承擔、怕付出、怕失去、怕面對自己.....?
最後,男主角發現這個她已經進化到他不能再承受時,彼此學懂什麼是愛,真的嗎?
片長126分鐘,全靠一把充滿磁性女聲Scarlett Johansson飾演,配合男主角Joaquin Phoenix的內心演技,令人著迷。
如果在將來真的會發生,我會試,但看來我離開人世都未有這件事發生。
誠意推介給大家看。
http://www.imdb.com/title/tt1798709/?ref_=fn_al_tt_1
香港的幼兒教育--真是可以用一隻小動物來形容「烏龜」!!
為什麼?
我從事幼教十多年,就快二十個年頭,但是沒有一套屬於自己「香港」的教學法方針!!
外國興起什麼教學法,香港的幼兒教育就盲目地跟,
跟了一段時間後,沒有檢討是否適合香港的幼兒,
沒有取長補短,沒有創新,沒有跟進.......如﹕方案教學、高廣度、多元智能、維哥斯基等。
到近年興起「戲劇教學法」。
我知道明白通通都是為幼兒好,但往往就是走在別人之後,
我感覺好可悲!!也徝得反思!!
如果愛是基於同情......
如果愛是基於習慣......
如果愛是基於可憐......
如果愛是基於尋求......
如果愛是基於彌補......
如果愛是基於情感......
如果愛是基於理性......
如果愛是基於需要......
如果愛是基於滿足......
如果愛是基於物質......
如果愛是基於喜樂......
如果愛是基於取悅......
如果愛是基於享受......
如果愛是基於自我......
如果愛是基於自私......
那麼......................