1.《被奪走的12年》

    好好的電影,可以反思生命中什麼才是真正的自由。

    如果睇奧斯卡2014就知這電影獲得最佳影片及最佳女配角。http://www.imdb.com/title/tt2024544/?ref_=nv_sr_1

    大家有時間要去睇。

2.《百寶狗先生與細蚊》

    哈哈笑電影,老土有教訓有道理。

3.《龐貝末日﹕天火焚城》

    火山爆發令全城焚城,是歷史事件。有興趣可看此網頁﹕http://en.wikipedia.org/wiki/Pompeii

4.《一個葬禮四個失禮》

    悲慘家庭故事,我覺得故事有點過火,值得看只是演員的演技。

5.《美味情書》

    別具一格的一套電影,雖不算太出色,但值得一看,最可惜是這類電影得不到太多的電影院放映!!真可惜。

    http://www.imdb.com/title/tt2350496/?ref_=nv_sr_1

愚 發表在 痞客邦 留言(2) 人氣()

  • Mar 06 Thu 2014 19:26
  • 激氣

真係好激氣!!

近日工作已經壓力大,又樣樣都好似浪咁沖埋身,

心裡未有時間定下來,又要睇同事面色,都要忍...因為我都明大家大壓力!

如果我向他們發脾氣,只會以牙還牙,惡果循環!!何苦:(

返到屋企,開抽濕機,老爸嫌左嫌右,搞到我滿肚氣!!

唉~~~好想喊

愚 發表在 痞客邦 留言(4) 人氣()

好耐冇寫電影!!

1.《騙海豪情》

    值得睇,難怪角逐奧斯卡,男主角Christian Bale做得好好,為藝術犧牲。

    不過,我覺得劇場就玩得太過點,有點畫蛇添足。

2.《The Lego Movie》

    新感覺新體驗,不錯的。

3.《偷書賊》

     我好喜歡演爸爸的Geoffrey Rush好慈祥,女主角演得不俗,好靚Sophie Nélisse。

     故事好令人感慨!!

4.《冬日奇緣》

     好特別的一套含宗教色彩的愛情片,穿越時空,有魔鬼有天使。

5.《鐵甲威龍》

    故事內容薄弱,冇第一集咁好睇,而且角色上冇咩可以發揮,失望!!

6.《古文明救兵》

    真人真事故事改編,很佩服這批藝術家的勇敢,他們不畏懼肩負自己使命,

    為救的是藝術品,亦不借不怕犧牲自己的生命。

    George Clooney老左好多,但仍然演得好。Bob Balaban好幽默。女主角Cate Blanchett都好好戲。

    值得睇。

7.《續命梟雄》

    故事內容寫得好,情節可以,Matthew McConaughey同樣為藝術犧牲。

    他要扮演一位患有aids的病人,所以要減磅好瘦,佢演內人戲都好入戲,感動。

    另外是Jared Leto好好戲,扮演變性人,很出色。

    值得睇,真係要睇。

8.《The Selfish Gaint》歐洲電影節的電影

    令人看後打從心底裏傷心的電影。http://www.imdb.com/title/tt2304426/?ref_=nv_sr_5

 

愚 發表在 痞客邦 留言(0) 人氣()

  • Feb 21 Fri 2014 23:47

近日工作開始忙碌起來,

要準備3月的家長觀課的文件、

我自己負責的教學活動、教具、教案等、

準備復活節的宗教活動(老師的靈修活動、四旬期早午會活動、宗教家庭靈修活動、復活節小盆栽比賽等)。

還有這個月一星期上兩晚的學習,

真係忙,可借都唔瘦,真係服左自己!!

又講下腳患的康復情況~~做手術後差不多一個月多DD,

膝蓋裡面的傷口都唔係好理想,而家返放工要用第三隻腳幫我借力,

裡面的感覺是好硬,好似有塊鋼板係裡面咁,

都不能自如地彎曲!

其實我都有做物理治療,不過較疏,因為好貴~~=="",

要等3月中才可見政府醫生,希望可以幫我排期做物理治療啦!!

 

愚 發表在 痞客邦 留言(4) 人氣()

  • Feb 14 Fri 2014 21:19
  • 好凍

真係冷得我想死........

好凍好凍好凍真係好凍,

難為長者及小朋友,

見到每日學生都著到好似隻「糭」,

行到好似機械人,真係辛苦了他們。

最可憐幫他們去洗手間,

你們估下佢地最多著幾多件衫?哈哈。

我建議教育署及天文台要相討下是否訂立一個新的措施叫「嚴寒一至三級」驚告,好似暴雨警告,

讓幼稚園學生唔洗咁凍都返學。

你們讚成我的建議嗎?

 

愚 發表在 痞客邦 留言(6) 人氣()

為了支持香港電影,我睇左3套港產片。

1.《賭城風雲》這電影的賣點當然是發哥。

    劇情唔得,除了發哥外,其他的演員就...一般,

    不過唔明白點解謝先生整套電影得一個表情!!

2.《六福喜事》這電影有點粗俗,雖然講生仔,

    情節不適合小朋友睇,但唔知點解竟然比小朋友入場,

    尤其第一幕BB立起中指已經教壞小朋友啦!

    全套戲最欣賞是吳君如的演出,不過薛小姐就太跨張,不踏實。

3.《金雞SSS》本來不打算睇這套,但又覺得吳君如的戲應該不差。

    果然最好睇是這一套,除了群星外,故事的內容不俗,有情有義,

    而且反映香港的實況,會令人產生會心微笑。

    另外,群星的演技都好好,總之值得一睇。

愚 發表在 痞客邦 留言(2) 人氣()

新年好忙,因為妹妹一家人從新加坡回港過年,大部分時間陪伴左右。

仲有同可愛的nephew玩,過年前我們常去維園玩,跑下草地,好開心。

初一至初三就是食、玩、睇戲、食、行街。

初四一大清早送妹妹一家人到機場暫別,真係非常唔捨得。

跟住的假期約朋友見面談天,所以好忙碌好累。

致於腳已經拆線,膝蓋有兩個小X形狀的微創傷口。

不過裡面的傷口也不少,要每天敷冰消腫及輕微的痛。

另外,病假及年假都放完,7/2正式返工,心情好開心,因為很久沒上班,更期待星期一可以與學生見面。

開工大吉

愚 發表在 痞客邦 留言(3) 人氣()

1623404_10201760158906204_265827125_n  

祝大家馬年行好運,萬事如意,龍馬精神,花開富貴。

 

愚 發表在 痞客邦 留言(3) 人氣()

上回講到﹕我們傾電話的次數逐漸頻密

於是我就諗不如比個機會大家。我們第一次約會就是去睇電影。

可惜這也是最後一次,點解?

我都唔知點解,可能真係有緣無份,無感覺。

記得睇完戲後我急急腳話要走及唔洗送,就一枝箭咁過馬路走左。

之後他有打電話比我,我都坦白說大家唔夾。

故事未完,大概過左幾個月後,佢帶埋女朋友拖住手來到我公司的樓層,並有意地在我面前經過,但冇打招呼。

我明白佢的來意,老實說當時我見到佢拖住女朋友心裡好開心,因為感覺鬆左一口氣。

之後好久冇聯絡。不過在我某年的生日,他又再次出現在我的公司樓層,

他走到我面前送了一份生日禮物給我後就走了,故事就此結束。

現在回想都覺得佢好難得咁長情,但感情不可以勉強也不能出於憐憫。

在往年我去某地方進行發展日,食早餐時竟然到佢,佢在這快餐店做工,

是我叫他的,他感到好突然,畢竟成20多年冇見,又可能我又肥又老,而他成熟左,個子也大了。

最後係佢比食物我時問我取電話,而我都係一樣冇比。

 

愚 發表在 痞客邦 留言(2) 人氣()

真係唔好意思~~所謂的明天拖到星期日才有空寫~~

上回講到---佢就咁走開左。

隨後我都冇收到有關他的訊息或電話,直到我出來社會做事的第二年,

放工回家後,家人話有個男仔打左幾次電話比我,又唔肯講邊個。

當然跟著我就聽左佢的電話,我當普通同學閒聊幾句後掛線。

其間與舊同學相聚,談及這位人時,同學還講笑說﹕「你唔知人地成日打聽你的消息咩!」我才恍然大悟。

過左幾日佢又打電話比我,問我係邊度返工,想比些東西給我。

心裡想佢咁長情,不如比下機會佢及自己。

就係咁我收到人生的第一封情信及三份小禮物,心裡的確有點感動。

後來我們傾電話的次數逐漸頻密。

說回佢送禮物比我的事件,回想起都覺得好似做戲。

當時我在某大百貨公司做售貨員,我做完一單售賣後,正執拾東西之際,

有位同事走過來向我說﹕「對於有個男仔望左你好耐,你係咪識佢架。」我才發現他已經在我對面。

他走過來含羞地把禮物給了我。

嘩~~~夜了,星期一完埋佢。

多謝大家耐心睇及等。^^

愚 發表在 痞客邦 留言(2) 人氣()