目前日期文章:201401 (12)

瀏覽方式: 標題列表 簡短摘要

1623404_10201760158906204_265827125_n  

祝大家馬年行好運,萬事如意,龍馬精神,花開富貴。

 

愚 發表在 痞客邦 PIXNET 留言(3) 人氣()

上回講到﹕我們傾電話的次數逐漸頻密

於是我就諗不如比個機會大家。我們第一次約會就是去睇電影。

可惜這也是最後一次,點解?

我都唔知點解,可能真係有緣無份,無感覺。

記得睇完戲後我急急腳話要走及唔洗送,就一枝箭咁過馬路走左。

之後他有打電話比我,我都坦白說大家唔夾。

故事未完,大概過左幾個月後,佢帶埋女朋友拖住手來到我公司的樓層,並有意地在我面前經過,但冇打招呼。

我明白佢的來意,老實說當時我見到佢拖住女朋友心裡好開心,因為感覺鬆左一口氣。

之後好久冇聯絡。不過在我某年的生日,他又再次出現在我的公司樓層,

他走到我面前送了一份生日禮物給我後就走了,故事就此結束。

現在回想都覺得佢好難得咁長情,但感情不可以勉強也不能出於憐憫。

在往年我去某地方進行發展日,食早餐時竟然到佢,佢在這快餐店做工,

是我叫他的,他感到好突然,畢竟成20多年冇見,又可能我又肥又老,而他成熟左,個子也大了。

最後係佢比食物我時問我取電話,而我都係一樣冇比。

 

愚 發表在 痞客邦 PIXNET 留言(2) 人氣()

真係唔好意思~~所謂的明天拖到星期日才有空寫~~

上回講到---佢就咁走開左。

隨後我都冇收到有關他的訊息或電話,直到我出來社會做事的第二年,

放工回家後,家人話有個男仔打左幾次電話比我,又唔肯講邊個。

當然跟著我就聽左佢的電話,我當普通同學閒聊幾句後掛線。

其間與舊同學相聚,談及這位人時,同學還講笑說﹕「你唔知人地成日打聽你的消息咩!」我才恍然大悟。

過左幾日佢又打電話比我,問我係邊度返工,想比些東西給我。

心裡想佢咁長情,不如比下機會佢及自己。

就係咁我收到人生的第一封情信及三份小禮物,心裡的確有點感動。

後來我們傾電話的次數逐漸頻密。

說回佢送禮物比我的事件,回想起都覺得好似做戲。

當時我在某大百貨公司做售貨員,我做完一單售賣後,正執拾東西之際,

有位同事走過來向我說﹕「對於有個男仔望左你好耐,你係咪識佢架。」我才發現他已經在我對面。

他走過來含羞地把禮物給了我。

嘩~~~夜了,星期一完埋佢。

多謝大家耐心睇及等。^^

愚 發表在 痞客邦 PIXNET 留言(2) 人氣()

暗戀,無錯都係講暗戀。不過今次講比人暗戀。愚的中學生時代...不簡單。(講笑)

讀中二的時候,坐我前面的四眼男同學上課時經常擰轉後面望我,其實我都唔係好覺,

直到有一次數學老先師叫佢唔好再擰轉後面時,我才開始發現...(我真係好遲鈍)。

後來調左位,我都同佢冇幾句,因為沒有感覺,而且我覺得讀書好重要,我當時讀中二B班,成績不能太差。

再後來我升上中三,而他要從讀中二,我就再沒有與他聯絡或打招呼。

但時故事未結束架。到了中五那年我畢業了,一天小息時佢走過來問我可否給他一張相片留念,可惜我沒有即時話冇,佢就咁走開左。

故事都仲未結束,哈哈哈.......明天繼續講故

愚 發表在 痞客邦 PIXNET 留言(3) 人氣()

暗戀

有人話暗戀好傻,亦有人話暗戀是一種苦澀的感覺,但有些人卻喜歡活在暗戀中。

而我呢~~真正暗戀過一次後,在我的字典裡沒有這個字。

這事發生在中學年代~~真係那些年。

那時是中三,認識一位同班的男同學,

他身材中等,載著眼鏡有點文氣,平日笑臉迎人,人緣幾好。

佢就係坐在我的後面,我有時會有意無意間轉身扮放東西入書包,!

所謂日久生情(暗戀的情),漸漸地我眼睛的視線離不開他,

借故問功課、一起食飯,總之係唔好放過可以行近佢的機會。

到了最厲害的時間,曾經試過整晚想著他,輾轉反側無法入睡。而家回想非常煎熬。

可惜最後的結果只是一場空。

正當想表白之際的那天食午飯時,同學們傳出他已同班中的一位同學拍拖。而這位女同學的確是乖乖女一名,也一樣時間笑臉迎人。 

而我當然冇去搶啦!因為無心情,而且很傷心,晚上哭了一個晚上。

當時我已經同自己講﹕「我唔會再去玩暗戀,實在白痴可憐得很,苦的只是自己。」

現在回想起這件事都覺得自己當年都幾可愛及傻,不過有誰沒有經過。

講真除了這次外真冇再暗戀別人,可能係性格關係,總覺得喜歡的就要說出來,大家認為不可能就算吧!不要浪費精神。

愚 發表在 痞客邦 PIXNET 留言(3) 人氣()

臨近新年市面一般準備過農曆新年的氣氛日漸濃厚,

到處是紅噹噹的,感覺非常熱鬧。

另一般氣氛就是有關愛的情人節,

一對情侶情投意合當然是好事,

但若是單戀或暗戀,又是另一回事。

若是沒有戀人而又不心癢,就真係「話知你」,

唔知大家係邊樣?

雖然我絕對唔係戀愛專家,又冇心得,

不過我想在這段時間講下故,

或者分享下我的故事,或他人故事、或老作故事。

日後,希望大家一起踴躍分享下看後感。

愚 發表在 痞客邦 PIXNET 留言(2) 人氣()

踏入2014當然要繼續睇好戲!

今日一次寫5套

1.《魔雪》3D

    這套卡通片真係估佢唔到咁好睇,雪景畫面十分靚,歌又好好聽。

    故事題材也不錯,不是以愛情為主位,而是說姊妹情,不錯,值得一看。

2.《發夢王大歷險》

    一套好有意思的電影,好有激發性。

    人生如果只停留在發夢中,什麼也得不到,

    只有努力追尋實踐才是正確的人生態度。

    對我這種懶人來說是一種好好的提醒。

3.《老爆伴郎團》

     四位老人家的電影一定是賣演技。

     的確演得好,不過故事欠說服力。

4.《冬蔭公2》

     睇到我血壓上升,

     不停打、打、打、打、打........

     做武打演員都好痛苦。

      泰國能拍出這部電影真不錯。

5.《警察故事2013》

     真係唔好睇,浪費時間及金錢!

     失望~~成龍啊!為什麼咁的片你都接架??!!

 

 

愚 發表在 痞客邦 PIXNET 留言(2) 人氣()

雖然休養中,但也不能停下來。

第一在家補課,感謝讀書的部門為我的作好安排,

讓我在家中可以補番冇上的課。

第二要投稿幫補醫藥費~~講笑稿費好微薄:P

第三要睇書,

第四要代父回信。

嘩~~好似成個文人咁......

錯了,我其實是粗人,要學做文人。 

愚 發表在 痞客邦 PIXNET 留言(4) 人氣()

住左一晚醫院,

終於16號平安返到屋企。

家的感覺是最好的。

說回做完手術後,

腳只是微腫但不痛,

不過唔知係咪D麻醉藥太勁(全身麻醉),

醒後嘔左4次,打左止嘔針都唔得。

真係好辛苦,

護士叫我要食野因為要食藥,

但係聞到食物味都冇胃口,

只有免強食了兩小口,

隨後進入昏迷狀態(勁睡)。

今日胃口好了點,

希望快點步行順利,唔洗用第三隻腳。 

愚 發表在 痞客邦 PIXNET 留言(3) 人氣()

  • Jan 14 Tue 2014 22:22
  • 祝福

1517392_10201661416837714_1949411640_n  

多謝好朋友送來的禮物,

為我帶來祝福。

還有您們啊!

1月15日我要去醫院做手術,

住1晚就可以回家,

想起都十分開心。

再次多謝大家^^

 

愚 發表在 痞客邦 PIXNET 留言(3) 人氣()

我好想找一處地方靜下來整理一下近這星期的生活片斷......

其實這處靜的地方是內心。

由意外受傷到將要面對手術,

心裡的確不好受。

除了面對身體的痛,也要負上精神的壓力。

身邊就算有親人朋友,

承擔的都只是自己,

有一陣莫名的孤獨湧上心頭。

鼻尖兒也難免酸了起來。

眼角也濕了。

我要加油

愚 發表在 痞客邦 PIXNET 留言(8) 人氣()

當學校的同事在忙之際~~

我仍在放病假,

人很精神,

腳也好了很多,有力,

不過行得比較慢,

落樓梯仲有點吃力。

我要加油,早日脫離「新成員」。

2014年大計仍是減肥第一位

 

愚 發表在 痞客邦 PIXNET 留言(4) 人氣()

找更多相關文章與討論