今日睇戲遇到一對奇怪母子，
不得不寫﹗
其母親估佢多年冇睇過戲，
由於佢個仔幫佢買的是有震動的椅，
佢睇其他電影預告片時已經好驚說﹕「好震，有冇唔震架﹖」
跟住又話﹕「我唔睇3D架，會暈架﹗」
未開場就已經同個仔滔滔不絕傾計﹗
心已想不妙﹗
最搞笑係百老匯開場前有短片提觀眾唔好說話等，
佢一邊聽一邊同個仔講﹕「呢首歌我細細個就識。」
跟住首歌播完後佢係度唱~~我汗汗汗汗﹗
佢個仔都有回應佢媽媽﹗
天啊﹗全場戲佢冇聽過講野﹗
我SH了他多次，他就細聲D﹗
唉~~~咩人﹗唔理別人感受﹗
最恐怖是散場時，奇母與奇子好像一對情侶咁摟抱一齊走﹗
我肯定佢地的關係係母子，難度個仔有戀母情意結。個男仔有15-16歲左右﹗
真係睇左咁多戲，咁多年，第一次遇﹗汗汗汗﹗
仲有這位媽媽真係全場冇戴3D眼鏡。
各位BLOG的朋友，
你們覺得幸福是什麼﹖
分享下啦~~~
我覺得幸福是能自己呼吸，
能行、能食、能睡、能大大......哈哈哈哈
最近工作上好忙﹗
眼皮都很重﹗
不過今晚好勤力睇左兩個單元的書
誰是假好人﹖
我是也﹗
為何咁講﹖
事緣昨日有新同事在app中提到自己在學校雖然準時放工，
但天都黑晒仍在塞車途中遲遲未能回到家，
她在app中有點不開心及苦悶。
而只得我一個人回應及安慰她。
第二日早上，有同事走埋我身邊大讚我好人﹗
我一頭霧水.....﹖﹖後來才明白同事讚我的原因。
同事覺得我很好很有同情心。
聽了後，我立即大笑起來並解釋﹕我不是好人，我只是在餐廳等食物時無意答幾句
。
哈哈哈..........我是假好人也﹗
近日發現成日睇野眼朦朦~~
好像前面有層膜似的﹗
感覺都幾辛苦﹗
我想......可能老花已經降臨到我身上﹗
上年驗眼時有50度老花，
一年後可能增進了﹗
今次唔認老都唔得~~OH NO
有時間要去驗驗眼O-O
第一個圓﹕中秋節的月亮好圓
第二個圓﹕中秋節食得太多~~身胖了感覺自己圓左﹗
第三個圓﹕朋友話我比月亮更圓~~傷心﹗
祝大家中秋節樂團圓
月亮及花燈
話說過了幾天~~在what"s app
甲﹕「我校長話唔得閒來我的婚禮，你可以來啦﹗」
乙﹕「哦」
甲﹕「唔得住，主任可能都來，等我問埋佢先再話你知。」
乙﹕「
」
乙是本人，本人決定唔出席，我唔見得光咩﹗
強種金真係搵笨﹗
收到今年銀行的報告，
雖然賺左5千幾，但係扣左手續費，
得番......唉﹗
舊年負左差不多2千，再加埋手續費﹗
兩年得個吉﹗
嗚呼哀哉﹗﹗
今晚與朋友一家人食飯。
她的女兒很可愛，
今年三歲，
但卻患了嚴重的糖尿、過高膽固醇、過高三酸甘油脂﹗
她是早在暑假前突然發高燒，
後來發現了這個病﹗
原因未明，不是遺傳﹗
醫生只話罕見的發生在這年幼的小孩身上﹗
這病跟她一世﹗
她要定時檢查血糖，打胰島素針。
一日三餐食飯前及晚上要打針控制血糖。
她很渴望食飯或進食，但一切都要限制。
我第一次見到她飯前打針的勇敢樣子，
熱淚盈眶~~好佩服小妹妹的勇敢。好感動.......
小妹妹~~我深深祝福您，一定要好好成長﹗
甲和乙的關係是舊同事。關係的友好程度屬於一般同事來往。不久大家亦各自另謀高就。
一日甲同事致電乙同事告知已轉新工，
並向乙同事問有關新工的人和事，因為甲和乙現在做的工作是同一機構，只是分店不同而已。
當乙同事把一切所知告訴甲後。之後......
甲對乙說﹕「請你話唔識我，我唔想被人知我同你係認識。」
乙表示明白及同意。
不久甲對乙說﹕「我老闆問我識唔識你，我話唔識，你記住都話唔識我。」
乙表示OK明白。
不久甲結婚送喜帖給乙，請她出席婚禮。
乙突然想到如果甲的老闆見到自己出現就糟糕﹗因為甲老闆認識乙。
於是乙問甲﹕「如果你老闆出席婚禮，我又出席，見到面後實問我是否認識你，那如何是好﹖」
甲想了一想﹕「那麼你說是男方的親友吧﹗」
乙好快回應﹕「咁我唔去，我唔想講大話﹗」
甲回應﹕「咁OK啦﹗」
各位blog友~~這個乙是我﹗我聽到這樣的回應後很不開心，我覺得甲不尊重我﹗如果拍照時叫男家親友影相，我出左去，他們不認識我，多尷尬呢﹗
真是無話可說﹗﹗﹗
兩個人唔一定要意見時常一致﹗
選擇的方法也不一定要相同﹗
重要是互相溝通，
大家坦誠講出大家的睇法，
可以用唔同方法達到同一的目的。
這過程用文字寫容易，
實際的確不易，
因為過程會中可能會變成爭執或冷戰，
所以兩個人一齊並不易，
不會是好像演戲中時時都那麼甜蜜。
近日敍利亞和中東的情況非常動盪﹗
雖然我身在香港，
都好應該為他們祈禱。
九月六日教宗籲全球信友守齋和熱切祈禱。
雖然你或吘不是教友，
但也可用自己的方法祝福他們。
資料取自今期9月8日公教報
星期一晚上完課後，開始要睇書﹗
因為我太蠢﹗
加上我為人缺乏理性，
實在對我很有益處，
幫助我思考自己及改正自己的思想模式。
特別喜歡數學家及神學家朗尼根(Bernard Lonergan,1904-1984)，
佢講出人的認知過程有四個層次﹕
經驗、了解、理性、負責。
每年我都要花心思想想自己進修什麼，實在苦惱﹗ 今年就不用了，我報讀了「神學普及課程」。 全年只是$3000，好抵﹗ 又不用做功課， 簡直啱我這種懶人﹗ 哈哈哈
