目前分類:愚之工作 (19)

瀏覽方式: 標題列表 簡短摘要

很多事情不能掌握,唯有放低。

工作上遇到頑劣惡人,其他同組人怕左佢。見到知道佢做不對的事,沒有人夠膽出聲。為何?因為人害怕衝突,怕麻煩。

我只是在同組中一個卑微的中層角色,同組中還有主任職權比我高。他明知發生什麼事不出聲,因為他倆是朋友。

佢唔出聲,但我身為中層角色有職責要處理一些不妥當的事。

結果我有禮貌沈著氣講完後,過程中主任不發一言。算吧!!預左,點知這位惡人待我離場後不斷審問誰人向我報告他的不是。

當然同事話番比我知,我真係沒有辦法。他不懂得尊重別人,尊重自己,難度我要學他「以暴易暴」???!!我實在做不出。

大家一定會問點解唔話比老闆知?全世界的人都知他的為人,難度老闆會唔知咩!老闆探用駝鳥政策,我又能如何??

還有遇上友人唔做辭職,不難過因為有好發展應該走。可惜我太老......不能走。

最傷心係叫友人走的老闆我都識,今次朋友走的事更讓我明白職場上的手段與黑暗。難怪我冇運行。明白明白(自嘲)!!

一切一切唯有學習接受與放低,或者哭一場放一下負能量,重新上路吧!!!

愚 發表在 痞客邦 留言(3) 人氣()

26-29是幼兒班學生的開學日,

好開心一群可愛的寶寶來了......

我想應該唔會有太多小朋友哭。

因為大部分讀過playgroup。

不過,我手頭的工作就..........我又唔想將工作帶回家,

我要努力加油再加油。

愚 發表在 痞客邦 留言(3) 人氣()

  • Aug 19 Tue 2014 20:36
  • 累了

如果尊貴的上師已經不是你所的認識的,會怎好呢?

我意思係老闆變了!!其實是我太天真!!!

有些人身居一人之下,萬人之上的人返工咩都唔洗做,但人工就照袋,

而實在難以服眾,而其人的工作是由老闆安排。

即使我好言問過,或講出憂慮,換來了黑面及質疑,我這低微的人以下犯上,這結果我都預左!

只不過唔順氣的了,滿口講公義的人有時不是事實的。可能公義在每人心中有不同的演繹。

我會選擇沈默是金?抑或繼續我這個風格?實在累了!!

未開學就咁樣.......辦公室政治學校都有.................................

愚 發表在 痞客邦 留言(3) 人氣()

時間過得真係好快,話咁快又快要結束今年度的學期。

見到快將升上小一學生真係唔捨得,

因為我見證他們3年的成長。

深盼他們升上小一有愉快及美好的開始。

至於工作方面開始有點悠閒之餘,

心裡盤算計劃新學年的工作。

不過,今年未見老闆,希望明年更好。

其實有點想改變現在的工作範疇,

但是要審慎,因為一去無回頭。 

愚 發表在 痞客邦 留言(5) 人氣()

忙完5月,又到忙6月,因為學期快結束了!

幸好今天(5日)剛完成了由我主講的宗教分享會,

講左兩場,每場1個半小時左右!

完左後身心疲憊,因為做分享會都不易,

面對家長的即時反應,也要立即回應,腦的轉數慢點都唔得,

仲要KEEP住氣氛,真係少點心力也不行。

我要等到7月中就會鬆一口氣。

另外,近這星期時常頭痛,真係都好苦惱,由唔想靠止痛藥,真係無奈。

請問大家有什麼方法可以對付頭痛?

愚 發表在 痞客邦 留言(1) 人氣()

前幾日收到第二間學校的校長一封電郵,內容係我有新的任務。

再問自己的校長,校長話﹕係呀,前排你做手術放病假唔得閒講,而家你知道啦。

其實校監都想同你講,不過唔緊要啦,你做得來的。

當時好大個感嘆號在我頭頂。

我究竟要做咩??

就係統籌16間學校,連埋自己果間,共17間,

幫每一間學校的宗教負責老師,商討計劃,如何培育他們的個人信仰,

唔單止係咁,仲有佢地學校的宗教教育課程,

佢地各學校的家長及教職員的培育,

要命是要交計劃書,我要定期向校長們匯報。仲要16間的活動我要參與=.="""

最要命是17間的校長,不會出席我們的會議。

全權交給我和四位組長缺定,若四位組長合作的話,我都易點管理,若不然就更苦了。

壓力突來,睡不好及發惡夢

愚 發表在 痞客邦 留言(4) 人氣()

香港的幼兒教育--真是可以用一隻小動物來形容「烏龜」!!

為什麼?

我從事幼教十多年,就快二十個年頭,但是沒有一套屬於自己「香港」的教學法方針!!

外國興起什麼教學法,香港的幼兒教育就盲目地跟,

跟了一段時間後,沒有檢討是否適合香港的幼兒,

沒有取長補短,沒有創新,沒有跟進.......如﹕方案教學、高廣度、多元智能、維哥斯基等。

到近年興起「戲劇教學法」。

我知道明白通通都是為幼兒好,但往往就是走在別人之後,

我感覺好可悲!!也徝得反思!!

 

愚 發表在 痞客邦 留言(3) 人氣()

  • Feb 14 Fri 2014 21:19
  • 好凍

真係冷得我想死........

好凍好凍好凍真係好凍,

難為長者及小朋友,

見到每日學生都著到好似隻「糭」,

行到好似機械人,真係辛苦了他們。

最可憐幫他們去洗手間,

你們估下佢地最多著幾多件衫?哈哈。

我建議教育署及天文台要相討下是否訂立一個新的措施叫「嚴寒一至三級」驚告,好似暴雨警告,

讓幼稚園學生唔洗咁凍都返學。

你們讚成我的建議嗎?

 

愚 發表在 痞客邦 留言(6) 人氣()

  5號帶學生去廸廸尼學習,

雖是一年一度,

但蠻辛苦的。

不過又好開心。

腳患就不用提,

去完後雙腳已不屬於自己了。

不過都好值得,

因為可以與學生留下美好的回憶。

1483189_10201433159691428_526385019_n

 

愚 發表在 痞客邦 留言(5) 人氣()

  • Dec 02 Mon 2013 22:26
  • 21場

星期六接見新生,

一如往年,

我負責介紹學校的課程,

雖然這部分只限講10分鐘左右,

但是由校長、我及家教會主席平均分,

掌握時間好緊要!

由8點幾至5點幾講左21場,

除左口累外,

最累最痛是一對腳~~~

企足9個鍾~~~

結果左腳踝腫了,

左腳膝蓋以上的大腿好痛!!

明天要看醫生!

真是禍不單行

愚 發表在 痞客邦 留言(3) 人氣()

  • Nov 09 Sat 2013 21:43
  • 磨練

人生是要在不斷磨練才能夠成長﹗
不知道大家認同嗎﹖
近兩年在工作上遇到的磨練確不少﹗﹗面對一些令人激心又無理的上司真想死﹗每次唯依靠祈禱才有力量上班﹗
幸好工作的地方一定經過聖堂,那怕是短短的一分鍾,也會停下來唸篇天主經。
如果不祈禱我怕自己變得火爆﹗
感謝這些磨練讓我成長。

愚 發表在 痞客邦 留言(3) 人氣()

  • Oct 30 Wed 2013 22:44
  • 無辜

真係無辜!同事找我來出氣,仲要大聲下令我短時間完成她的要求!對話如下:
她氣沖沖來到校務處:「我比人串,呢幾本簿係個學生請左幾日假未改,5分鐘後要用,你同我而家改左佢!」
我當時做緊手頭工作。我:「你放低,我一陣比你。」
佢繼續大聲:「我係度等你改。」
其實佢這時應在課室的。
我望著她(堅定的眼神):「你入課室先,我一陣比妳。」
她走了。其他同事目睹一切!
我只想說一句:「比讚自己」因為我無發脾氣。只覺得心裡有點難受

想不到今天她主動跟我說﹕「其實我尋日主要唔係發你脾氣,係發X老師的。」

我(點頭)﹕「知道」

我真係無話可說了﹗

 

愚 發表在 痞客邦 留言(5) 人氣()

  • Oct 08 Tue 2013 20:37

近日工作非常灰......

無端端被人屈﹗

有時又做錯野﹗

唉.........

我真係好想休息下﹗

六合彩又唔聽話﹗

唯有繼續做﹗

愚 發表在 痞客邦 留言(4) 人氣()

  • Oct 05 Sat 2013 21:46
  • 磨練

工作上遇到一位同事,

兩個字形容佢~~「難頂」﹗

工作幾忙幾辛苦都唔累,

就算累是指體力上。

但面對這個人很累,

心靈的疲累﹗

我又做不到對他不理會,

畢竟日日都要對住佢及合作﹗

我又唔想講佢壞話及想著他的不好,

所以在我心靈上是一種磨練﹗

我要放開他,這樣才放開自己﹗

真係要努力,加油,祈禱。

 

愚 發表在 痞客邦 留言(3) 人氣()

  • Oct 03 Thu 2013 21:50

近這個月非常忙碌﹗

10月5日開學祈禱會、

10月10日宗教活動(努力與學生綵排音樂劇)、

10月11日家長信仰分享會(努力製作資料中)、

10月19日帶學生去沙田參加活動,

以上全是由我做負責人﹗

開始感到壓力,

睡得不好,或者偶爾發惡夢﹗

希望健健康康完成啦﹗

愚 發表在 痞客邦 留言(4) 人氣()

  • Sep 28 Sat 2013 21:29
  • 好險

今早發生件好危險的事﹗

而家回想都有點驚﹗

事緣我今早坐巴士取百達通出來時,

不小心把上班要用的襟章碌了在馬路中間,

當時情急再加上襟章一定要用,

所以見冇車就立即衝出馬路中間執,

當時有等巴士的乘客都見到,

唔知佢地緊唔緊張,

萬一有車飛一般走過﹗

上一篇可能是我最後的一篇網誌﹗

我下次一定唔會執﹗

驚驚

愚 發表在 痞客邦 留言(5) 人氣()

  • Sep 12 Thu 2013 21:48
  • 開OT

九月份較忘,

開左好多家長會。

今晚開小一家長會,

家長問﹕「愚老師,辛苦了,你地今晚開會,有冇OT費架﹖」

我﹕「冇喎。」

家長﹕「咁有冇食飯津貼﹖」

我﹕「冇。」

家長﹕「吓,咩都冇﹗咁應該家長請你地食飯。」

我﹕「唔敢~~~哈哈哈........」

我呢行冇OT費、冇開OT食飯津貼,自己比錢叫外賣。

呢位家長好有愛心

愚 發表在 痞客邦 留言(2) 人氣()

今日見校長時,

她講了一些訊息比我知,

係由最高層講﹗

目的係話比我聽~~所有老師有的一個權利或機會,

我是不可以有的﹗

若不然請另謀高就﹗

我覺得好唔公平﹗

我䁷得被歧視﹗

我好難過﹗

我好唔開心﹗

因為我冇做錯事﹗

不過去完聖堂祈禱後心裡平安了很多﹗

唉~~~好黑暗﹗

愚 發表在 痞客邦 留言(4) 人氣()

今天工作講左大話添:p

不過是善良的大話,

因為K1學生今天上課唔比媽媽陪,

所以有少部分的學生會大哭,

而我除了安撫他們外,

還要講大話﹕「乖,唔好喊~~我幫你打電話比媽媽,佢好快坐車來。」

講完後大多會不哭的。

每天呢招就是開學時用。

致於低、高班若開學哭,

我就會話﹕「你已經大個仔/大個女,老師好錫你架,忝啦﹗」

他們就只會少少飲泣無奈接受。

不過,無論是幼、低、高班,他們都很快適應的。

學生們~~加油啊﹗

 

 

 

愚 發表在 痞客邦 留言(3) 人氣()