目前分類:生活點點 (73)

瀏覽方式: 標題列表 簡短摘要
  • Mar 30 Mon 2015 20:25
  • 日記

我近日做左一件好土的事...哈哈哈。相信睇到標題都明啦~~

就是寫日記了。原因係我睇完「我們這一家」卡通,就好想寫了。

記得我小學及中學時代也有寫,不過本日記簿就消失了。

我希望自己可以繼續寫......一直寫,直至我寫唔到。

題外話想一本心水的日記簿真係好不容易,行左好多間文具店都找不到,

可能真是落後,無人寫了。

愚 發表在 痞客邦 PIXNET 留言(8) 人氣()

  寫這編網誌都仲係龍曆新年年十一。

不忘同大家拜拜年~~祝大家洋洋得意、心想事成、財源廣進、青春美麗、身體健康,總之樣樣都好。

新年期間都係好忙,到現在才有空寫下網誌。

我今年真希望身體健康,皆因年初二發燒(輕微),但也不敢鬆懈,立即求醫,現在仲有聲咳,轉睇中醫。

所以大家要小心身體,在這時熱時凍的期間,要多穿外套,保重身體。

過年期間也開了太多糕點,又肥了少少,真係要加油減肥。哈哈.....

 imagesHQQ2MUQR

愚 發表在 痞客邦 PIXNET 留言(2) 人氣()

近來身邊的朋友發生了不少事。先是朋友突然發現腸癌第三期,做手術、化療。工作一下子停下來。

幸好她為人積極,而且身邊有很多朋友愛錫,還有家人及信仰,積極面對病情。我也衷心為她祈禱與祝福。

另一朋友的媽媽因為胃癌不幸離世,朋友傷心不已!!失去最親最愛,的確很傷痛。

學校有老師因家事辭職,在嚴重缺人手時請到新老師,希望明天更好。學校近日某些同事也發生不少是是非非,煩人煩心。

老闆一於不聞不理,公義可在???!!廢話一堆。

感情事不順心,朋友提醒我究竟在感情上找什麼?當頭棒喝.....我真係要問下自己想點。他不是不好,對我尚算細心、諒解、體貼,可能是我不好,配不上他了。

唯一開心事是同事結婚了,很開心,學校太久沒有喜事,真的很開心祝福同事永結同心。

 

愚 發表在 痞客邦 PIXNET 留言(3) 人氣()

請問大家最喜愛的地方是哪兒?

我最喜愛的地方就是我張床^^哈哈

每晚瞓落床的感覺簡直好到不能形容,有歸屬於、有安全感、只有自己的空間。

瞓上張床有安息的感覺。

唔知大家有冇同感?俗語說﹕「龍床不及狗竇」真沒錯

愚 發表在 痞客邦 PIXNET 留言(2) 人氣()

  祝大家2015過得更健康,更快樂、更順心。

2015年大計是減肥成功,自己做人方面更學會寬容、減少執著、減少消費。

年紀大要儲蓄多點錢.......畢竟醫療費貴,要未雨綢繆。

仲有希望老花唔好加深....heheheeeee

images

愚 發表在 痞客邦 PIXNET 留言(3) 人氣()

這個不太悠長的假期結束了。29日照常上班。而這個假期有開心亦有不開心的事。

首先假期去左大澳及長洲,目的是悠閒地欣賞風境,最重要就是食食食,結果肥左7磅...真係都好慘。

營養師比我更加不高興,教訓了我一頓!!也要我下次(1個月)後見多要回落2-3磅。

今次肥番的原因隨了食之外,就是沒有運動(游泳)。因為比自藉口天氣凍,縱然有暖水池,上水這一下真要命。

營養師話,你唔做運動就唔準食咁多!!唉......唯有肚餓時飲白開心。加油,我要加油。

另一件唔開心的事,朋友做完身體檢查發現腸癌第二期,為朋友來說是惡耗,做朋友的都覺得很突然,

做到的只有祈禱、支持與陪伴。祈盼朋友早日痊癒,勇敢面對。健康真是無價寶。

祝願大家一定要身為健康---這是我從心對您們的祝福。 

愚 發表在 痞客邦 PIXNET 留言(3) 人氣()

小耶穌降生  

祝大家聖誕快樂,過一個溫馨喜樂的聖誕節。

愚 發表在 痞客邦 PIXNET 留言(2) 人氣()

大家好,真的很久沒見。

近日好忙,忙工作......因為近聖誕節,要與學生排練節目,幫家長舉辦活動。

有時覺得自己知識好貧乏,幸好有一班同事幫手。

就快放假心情不錯,想起就開心,一方面可以休休閒閒,另一方面要計劃清書(好多書未睇)。

還有天氣一轉冷,隻壞腳隱隱作痛,都幾辛苦!!無法啦,開過刀就係咁。

仲有要繼續減肥,冬天食多左,肥番幾磅,想起就傷心。

努力努力努力,再努力!!!!!!!!

愚 發表在 痞客邦 PIXNET 留言(4) 人氣()

還我自由...在乎自己,一定由自己作主。

以上所說的是心靈的自由。

工作上的不如意、感情上的不如意.......

一切一切逼埋身,本是煩惱煩心力的事。

但有一天回校途中,走在白蘭樹下........望著她......沒有花,但仍在生長,仍努力伸展枝條吸收陽光。

可能是大自然的力量讓我頓悟了一點點,

我要還我自己心靈的自由,放手放開可以好易亦可以好難。

衷心感謝大家的打氣

愚 發表在 痞客邦 PIXNET 留言(3) 人氣()

  • Sep 29 Mon 2014 13:52
  • 停課

平事打風停課有小小開心。

今日停課我完全唔覺得開心,覺得好悲傷!!

究竟香港點解會搞成咁?????!!!!!!

我係咪都有責任呢??

我希望和平!!

更希望大家理性處理事件!!!

唔好罵學生,唔好罵警察。

我更希望明天可以照常上班。

愚 發表在 痞客邦 PIXNET 留言(2) 人氣()

15日真係好特別的日子,因為這天為隻腳覆診,全天候在瑪麗醫院。

首先睇第一個醫生,真算好運遇到一位靚女及好醫生,真係好好。

下午就遇到一位好得意的義肢矯形師,亦得知一些真相。

以下是我們的對話~~

他(義肢矯形師):放鬆隻腳比我睇下。(跟住佢就轉動我的腳腕)然後一邊轉一邊自言自語....好鬆好鬆.....

我:醫生~~咩好鬆?

他:你的韌帶好鬆,好少見咁鬆!!你係咪好易疲累及扭親?

我(有點驚):係呀,點解會咁??

他:你有冇發現自己身體的柔軟度幾好?

我:少少,我抬高手彎腰好容易可以觸到腳趾。

他:韌帶太鬆有好有唔好,唔好就是好易受傷。

我:咁係咪只係右腳係咁?

他:唔係,其實你身體所有韌帶都係咁。(跟住他轉左腳比我睇,又屈我的手指與屈他的手指給我比較)

我:(睇完後我都覺得好鬆,特別做完手術的右腳。)咁點算,食藥可以幫助嗎?點解會咁?

他:食藥冇幫助,這是你媽媽送給你的禮物。你可以做強化韌帶的運動--游水,跑步唔可以,撞擊性運動都唔可以。

我:(當時真係無言以對!!)咁個鞋托幾時可以取?

他:4個月後...不過你的情況幾嚴重......

我:咁都無辦法啦,咁4個月後來取。

他:最理想係兩個月後取,不過.....(他好像有點為難)如果咁快我要想下辦法!

我:(見他咁為難,我唔想添佢麻煩)唔緊要啦,就4個月啦。

他:(望住我......)好啦,就兩個月後來啦!!

又遇一個好人,感謝主。

唔怪得由細到大咁易腳累及扭傷,原來隨了扁平足外再加上先天的缺陷,我肯定好快退化做婆婆!!!!

 

 

 

 

愚 發表在 痞客邦 PIXNET 留言(4) 人氣()

從未如此的慳一個人的晚餐:10.5-1包魚蛋分三次食即$3.5;1個茄瓜$3.5;烏冬1袋$7.1-3包,今晚食1包即$2.7。今晚共花$9.7。

其實我有時會好慳自己,因為只細家境貧窮。

不過,對住家人朋友我不會太慳,

因為心裡常這樣想,自己受苦不怕,但不想身邊的人受苦,所以窮自己富別人。

唔好以為我好偉大.........hhhhhhhhhheeeeeeeeeee,

講到護膚我就一點不慳:p

愚 發表在 痞客邦 PIXNET 留言(4) 人氣()

中秋節快樂~~老實講而家的中秋節比起我童年時氣氛真係冇得比!!

而最跨張是在中秋節那天收到的what's app祝福是多到睇唔切~~

這個情況有沒有發生在你身上?

仲有係要返工,即使老闆比你早放工仲衰~~

等車的人龍何其.........................長!!!

今年中秋去左沙田花燈晚會結果是兩個字「失望」。

真係中秋節快樂唔係好啱咁放係我身上!!

愚 發表在 痞客邦 PIXNET 留言(2) 人氣()

如果一直是我的BLOG友就知道我正在積極減肥。

哈哈哈....我都有少少開心,

因為自從3月開始見營養師開始由160磅減到而家137磅,

老實講我而家照鏡先有少少感覺自己真係瘦左!!

可惜以我的高度~~仲要減最少7-9磅先到標準,

現在屬於超重,要努力努力努力再努力~~~~~~~

希望早日到達這階段。

愚 發表在 痞客邦 PIXNET 留言(5) 人氣()

很久很久沒有寫BLOG了,暑假期間去了新加坡探妹妹,足足去了21天。

日日同MAX玩十分開心,佢識講好多單字,真係好可愛。

可惜是我不能參與他的第一天上課日,不過都好開心。

雖然我十分十分不捨得,但正正也是我努力工作的動力,

因為要儲錢買機票再去探妹妹一家人。

我愛您們啊!

愚 發表在 痞客邦 PIXNET 留言(1) 人氣()

恩師係14號晚舉行殯葬禮。

去到見她最後一面真的難忍內心悲傷之情!!

願她在天鄉享受永恆的福樂!

妳那含蓄的笑容永遠留在我心。

今次去到喪禮突然覺得自己是孤獨的。

人生的最後一程都是要自己走,自己面對。

不是的,對有信仰的我來說一定有天相伴。

真的要好好活每一天,做人要放開,不要被塵世太多枷鎖困擾自己。

願大家每日好好過,並過得幸福。 

 

愚 發表在 痞客邦 PIXNET 留言(4) 人氣()

前陣子收到一個壞消息。

以前的同事突然中風爆血管昏迷在醫院,

她不是大年紀!

唉~~做人真係好化學。

趕緊去醫院探望她,過程真係忍得好辛苦,

因為她是入行時教過我如何教書的老師,

目睹她現在的情況,腦海中不斷浮現她的笑容、她的聲音、她的一切一切......

據她的家人說今次事的發生可能是她長期太勞累,再加上身體出現毛病。

而她也從不太向家人透露自己的健康狀況。

唉~~真係有咩都要同家人講!!

希望佢能夠早日醒番,請大家為她祈禱。

 

 

愚 發表在 痞客邦 PIXNET 留言(2) 人氣()

  • Jun 08 Sun 2014 21:51
  • 目標

如果大家的目標不同的,

應該點做呢?

二人一起真不容易!!

什麼包容、忍耐、尊重、同理心......等等,

講就容易,但真正活的話就很難了!!

愚 發表在 痞客邦 PIXNET 留言(2) 人氣()

  • May 25 Sun 2014 21:48
  • 傷感

星期日早上接獲朋友通知一位朋友的爸爸患有末期肝癌,

當我APP朋友問候時,她說她的父親已在早上離世。

感到傷感!!

傷感不單朋友爸爸的離世,因為我也認識她的父親。

更傷感是......自己是否因為一些事情而疏遠了這位朋友,

到她家有事時才懂得放下成見,真正學習關心。

更感慨是往惜大家過著好友的日子,當我低落時她也扶持我,

相反......我好像一位忘恩負義的人,內心很歉疚!!

即使她是眾人口中的不好人,她還是我的朋友,

我從沒有找機會去了解,也同樣判了她!!

今天我倒來了一個大反省,真正的朋友能做到包容嗎?

朋友,我只想你知道,我沒有忘了妳,我仍在妳身邊,為您祈禱。

愚 發表在 痞客邦 PIXNET 留言(3) 人氣()

近日下的雨實在太大太多,

每次上班經過白蘭樹下,白蘭花都被雨水打下來,

散落滿地,也帶來淡淡的幽香。

感覺有點婉惜!!

抬頭一望,白蘭花似乎全被打落,

而花瓣也隨著時間變得枯黃。

她的生命代表什麼意義?

有時我只得低下頭望著它們嘆息!!

每日有這麼多的途人經過,或甚至踐踏過她們,

有誰會留意她們?

我......大有可能是「傻」的。

 

愚 發表在 痞客邦 PIXNET 留言(4) 人氣()

1 234